Sunnudagur 8. júní 2025

Veðrið í dag er og verður gott. Mjög gott.

Það er heitt og þægilegt úti. Akkúrat passlega heitt. Eins og þér finnst það best.

Spá fyrir lengra komna

Hlýr vindur mun strjúka þér um andlitið eins og eitthvað sem man ekki nafnið þitt.

Þetta er ekki óvenjulegt í sjálfu sér, en í dag virðist vindurinn koma frá átt sem kortin þora ekki að nefna.

Hann hefur dvalið á stöðum sem ekki eru merktir, tekið með sér ilmi sem minna á gömul blöð með bleki sem hverfur ef þú horfir of lengi.

Ef þú finnur vindinn sleikja viðbeinið, ekki flýja – hann er bara að reyna að muna hvernig fólk lyktar.

Sumar endurminningar eru aðeins að leita að réttri húð. Gakktu hægt út, án þess að taka með þér neitt sem talar.

Vindurinn vill ekki keppa við tæki.

Hann vill bara staldra við í þínum heimi um stund. Hann gæti burðast með orð sem þú sagðir fyrir löngu, orð sem þú gleymdir að merkja sem mikilvæg. Settu þau í lófann og slepptu þeim aftur – þau vita nú hvernig þau hljóma.

Þetta veður mun ekki bíta, en það mun muna þig.

Í kvöld, ef þú finnur vindinn píska í gluggann þinn án þess að nokkuð sé að sjá úti – farðu ekki að sofa strax.

Það er að biðja um aðeins meiri tíma með þér.